"მე ველოდი მსგავსი ვიდეომასალის გამოქვეყნებას",- განაცხადა გენერალურმა აუდიტორმა ლაშა თორდიამ ინტერნეტში გავრცელებულ კადრებთან დაკავშირებით. მისი თქმით, ჰქონდა ინფორმაცია ამ კადრების არსებობაზე და იცოდა, რომ მეორე მხარე მას გაავრცელებდა.
კითხვაზე, აღნიშნულ ვიდეოში მას უჭირავს თუ არა იარაღი, მან განაცხადა რომ დეტალებზე მოგვიანებით ისაუბრებს.
„მე ველოდი მსგავსი ვიდეომასალის გამოქვეყნებას მას შემდეგ, რაც ოთარ ფარცხალაძის მხრიდან გაისმა ბრალდებები. რაც შეეხება თავად ამ ბარში მომხდარ შემთხვევას, იქ არავინ დაზიანებულა, თუმცა მომხდარის ნიუანსებზე მოგვიანებით ვისაუბრებ. ეს კადრები გადაღებულია დიდი ხნით ადრე, თუმცა ახლა გამოაქვეყნეს“, - განაცხადა თორდიამ.
