საქართველო აშშ-სა და რუსეთს შორის კვლავ უთანხმოების საკითხად რჩება. ეს განცხადება აშშ და და რუსეთის პრეზიდენტებმა ვაშინგტონში გამართული შეხვედრის შემდეგ გამართულ ერთობლივ პრესკონფერენციაზე გააკეთეს.
ლიდერების თქმით, აზრთა სხვადასხვაობა ამ საკითხზე მართლაც არსებობს თუმცა ორ ქვეყანას შორის ურთიერთობების "გადატვირთვამ" რეგიონულ და გლობალურ უსაფრთხოებას შეუწყო ხელი.
"რაც შეეხება საქართველოს, ჩვენ კვლავაც გვრჩება უთანხმოებები რიგ საკითხებთან დაკავშირებით, მაგრამ ამის მიუხედავად ჩვენ ვხედავთ იმ პერსპექტივებს, რომელიც არის ჩვენს წინ იმისათვის, რათა ვითარება დარჩეს სტაბილური და ეს ჩვენი პარტნორული ურთიერთობის ერთ-ერთი მიმართულებაა", _ განაცხადა ბარაკ ობამამ.
მედვედევის თქმით, კი კავკასიაში კონფლიქტთან დაკავშირებით პოზიციათა სხვადასხვაობა ხელს არ უშლის მხარეებს იმსჯელონ მომავალზე და ახალ კონტაქტებზე ამ საკითხთან მიმართებაში.
"ჩვენ ერთიანი აზრი გაქვს იმასთან დაკავშირებით, რომ ევროპას უნდა გააჩნდეს უსაფრთხოების თავის სისტემა, ჩვენ გვაქვს აზრთა სხვადასხვაობა, მათ შორის იმ საკითხზე რომელიც კონფლიქტის შედეგებს უკავშირდება, რომელიც 2008 წელს საქართველოს ხელისუფლებამ შექმნა, მაგრამ ეს ხელს არ გვიშლის ვიმსჯელოთ მომავალზე და ხელს არ გვიშლის ავამუშაოთ კონტაქტების ახალი მექანიზმები ამ საკითხთან დაკავშირებით", _ განაცხადა მედვედევმა.
შეგახსენებთ, რომ აშშ-ს პრეზიდენტი ბარაკ ობამა დადებითად აფასებს რუსეთ-აშშ-ს ამჟამინდელი ურთიერთობებს და რუს კოლეგასთან გამართულ მოლაპარაკებებს.
