თბილისის მერი დავით ნარმანია სახელმწიფო აუდიტის სამსახურის უფროსის განცხადებებს ეხმაურება. საქმე ეხება ოთარ ფარცხალაძისათვის მიწების გადაცემის საკითხს.
მისი თქმით, უფრო ვრცელ კომენტარს მაშინ გააკეთებს, როდესაც ანგარიში გამოქვეყნდება. დავით ნარმანიამ ასევე განაცხადა, რომ მერია გადაწყვეტილების მიღებისას ექსპერტების შეფასებებს დაეყრდნო, ხოლო განცხადებები იმაზე, რომ მერიამ აუდიტის სამსახურს დოკუმენტაცია დაუმალა, ტყუილია.
"ეს არის ტყუილი. ნებისმიერი დოკუმენტაცია, რაც ქალაქის მერიაში ინახება, არის შემმოწმებლებისთვის ღია, ასე რომ, ყველანაირი დოკუმენტაცია, რაც ჩვენ ხელთ გვქონდა, მივეცით სახელმწიფო აუდიტის სამსახურის თანამშრომლებს. შეფასება გაკეთებულია ექსპერტების მიერ, ასე რომ თბილისის მერია დაეყრდნო ამ შეფასებას," - განაცხადა დავით ნარმანიამ.