"საფერავსა და რქაწითელზე არ გვექნება სუბსიდირება",-განაცხადა სოფლის მეურნეობის მინისტრმა, ლევან დავითაშვილმა. მისი თქმით, რამოდენიმე ჯიშის ყურძენზე სუფსიდირება აღარაა საჭირო. მინისტრი მიიჩნევს, რომ უკვე შეიქმნა ყურძნის ფინანსური კომპენსაციის გარეშე გაყიდვის საშუალება.
“წელს ყურძნის სუბსიდირება არ გვექნება ცალსახად საფერავში. მოლოდინი ისეთია, რომ სუბსიდირება არ გვექნება არც თეთრ ყურძენზე. ჩვენ ბოლო სამი წლის განმავლობაში დავიწყეთ გარკვეული ინსტრუმენტების შექმნა, რომ ბრენდის ინდუსტრიამ სპირტის გამოსაყოფი რქაწითელი დააფინანსოს. ეს არის დღეის გეგმა. რთველის დროს გვექნება კომუნიკაცია. ანუ ეს არის მთავრობაში შეჯერებული სცენარი, მაგრამ მოლოდინები გვაქვს, რომ საფერავსა და რქაწითელზე არ გვექნება სუბსიდირება”, - განაცხადა დავითაშვილმა.
