„ოპონენტების განცხადებები იყო ნაჩქარევი და უსაფუძვლო“, - განაცხადა საპარლამენტო ფრაქცია „ქართული ოცნების“ წევრმა მამუკა მდინარაძემ. იგი ევროსასამართლოს მოსამართლის, ნონა წოწორიას ძმის საქმეს გამოეხმაურა.
„ეს კიდევ ერთხელ ადასტურებს, რომ ყველა განცხადება, რომელიც ჩვენი ოპონენტების და ცალკეული ადამიანების მხრიდან ამ დღეებში იყო გაკეთებული, იყო ნაჩქარევი, უსაფუძვლო და იყო მხოლოდ რაღაც დღის წესრიგიდან გამომდინარე, როგორც კი ალიბი აღმოჩნდა საქმეში და როგორც კი ამისი კანონიერი საფუძველი იყო, პროკურატურამ ვნახეთ, რომ მყისიერად შეწყვიტა სისხლის სამართლებრივი დევნა. ეს იყო, როგორც ჩანს, ერთად ერთი სწორი გადაწყვეტილება, სამართლებრივად და ვფიქრობ, რომ არ უნდა იჩქარონ პოლიტიკოსებმა განცხადებების გაკეთება”,- განაცხადა მდინარაძემ.
