"გერმანიის პოლიტიკა ევროპისთვის სახიფათოა, მან შესაძლოა, ევროპული პროექტი დაანგრიოს". ამის შესახებ ჯორჯ სოროსმა განაცხადა. მისი აზრით, გერმანიის მოქმედებამ, რომელიც მეზობელი ქვეყნების ბიუჯეტის დეფიციტის შემცირებისკენაა მიმართული, შესაძლოა, გრძელვადიანი სტაგნაცია ან კიდევ უფრო უარესი ვითარება შექმნას.
სოროსის აზრით, სახელმწიფო ხარჯების შემცირება დეფლიაციას გამოიწვევს, რომელიც ევროკავშირის ყველაზე სუსტ ქვეყნებში რეცესიას გააძლიერებს. შემდეგ კი საჭირო გახდება ბიუჯეტის ხარჯების დამატებით შემცირება. როგორც სოროსი მიჩნევს, იმის გათვალისწინებით, რომ ჩინეთი ეკონომიკის "გაყინვითაა" დაკავებული, ამან შესაძლოა, გლობალური ეკონომიკის ზრდის შენელება და კრიზისის მეორე ტალღა გამოიწვიოს.
სოროსის თქმით, არ შეიძლება ყურადღება არ მიექცეს გერმანიის მეზობელი ქვეყნების წინააღმდეგობრივ დამოკიდებულებას. "მსგავსი პოლიტიკის გატარებით გერმანია ევროკავშირის არსებობას საფრთხეს უქმნის", _ დარწმუნებულია სოროსი.
გერმანიის პოზიცია ევროპულ ვალუტასაც საფრთხის ქვეშ აყენებს. სოროსი ამტკიცებს, რომ თუ გერმანია თავის პოლიტიკას არ შეცვლის, მისი ევროზონიდან გასვლა დანარჩენ ევროპას დიდ სამსახურს გაუწევს. ამავე დროს, ჯორჯ სოროსი ევროს კოლაფსს არ გამორიცხავს.
