რუსეთის პრეზიდენტმა დიმიტრი მედვედევმა სტენფორდის უნივერსიტეტში გამართული შეხვედრის დროს, შეხვედრის ერთ-ერთი მონაწილის კითხვაზე პასუხის გაცემისას 2012 წლის საპრეზიდენტო არჩევნებში თავისი მონაწილეობის შესაძლებლობა არ გამორიცხა, მაგრამ ხაზგასმით აღნიშნა, რომ მის მონაწილეობას, რიგი პირობები უნდა უწყობდეს ხელს.
"თუკი ის გეგმები, რომელთა ფორმულირებაც მე მოვახდინე განხორციელდება და თუკი იქნება ხალხის მხარდაჭერა ეს კი თითოეული პოლიტიკოსისათვის მნიშვნელოვანია და მექნება სურვილი ყოველივე ამით დავკავდე, არჩევნებში მონაწილეობას არ გამოვრიცხავ", _ განაცხადა მედვედევმა და დასძინა, რომ ეს ყოველთვის დიდი გამოცდაა პოლიტიკოსისათვის. ეს ძნელი სამუშაოა იყო პრეზიდენტი.
"ის ადამიანი, რომელიც ამ სამუშაოს დაწყებისას აცხადებს, რომ მზადაა იმუშაოს ორი ან სამი ვადით, მას ან არ ესმის რას ეჭიდება ან ეს ისეთი ადამიანია, რომელიც არ არის მზად ამ სამუშაოს შესასრულებლად. ეს დიდი პასუხისმგებლობაა იმაზე რასაც დაიწყებ", _ განაცხადა მედვედევმა.
