მოსკოვის ყოფილი მერი იური ლუჟკოვი ე.წ. შავ სიაში იქნება შეყვანილი და ის საქართველოში ვეღარ შემოვა, - განაცხადა შს მინისტრის მოადგილე შალვა ხუციშვილმა ჟურნალისტებთან საუბარში.
,,რაც მოხდა, განპირობებული იყო იმით, რომ თავის დროზე არ იყო შეყვანილი სიაში. ჩვენ შევიყვანთ მას ამ სიაში და საქართველოში ვეღარ შემოვა",- განაცხადა შალვა ხუციშვილმა.
მოსკოვის ყოფილი მერი თბილისს გასულ დღეებში სტუმრობდა, რითაც მან ,,ოკუპირებული ტერიტორიების შესახებ“ საქართველოს კანონი დაარღვია.