„ეს არის გარკვეული დაჯგუფება, არასამთავრობო ორგანიზაციის სახელით "მწვანე ალტერნატივა", ვინც აბუნტებს იქ გარკვეულ ადამიანებს“,-განაცხადა ენერგეტიკის მინისტრმა კახა კალაძემ ფასანაურში მშენებარე მაღალი ძაბვის ელექტრო გადამცემი ხაზების შესახებ.
მისი თქმით, არ არსებობს რეალური საფრთხე და ეს პროტესტი მხოლოდ მოსახლეობის შეცდომაში შეყვანის შედეგია.
„ეს არის გარკვეული დაჯგუფება, არასამთავრობო ორგანიზაციის სახელით "მწვანე ალტერნატივა", ვინც აბუნტებს იქ გარკვეულ ადამიანებს და შეჰყავთ შეცდომაში. იძლევიან არასწორ ინფორმაციას, თითქოს ეს ელექტროგადამცემი ხაზები არის დამაზიანებელი, თან მთავარი და მნიშვნელოვანი არის ის, რომ ხაზები დაშორებულია მოსახლეობიდან, დაახლოებით, 100-150 მეტრით, არის ერთი კონკრეტული მონაკვეთ, სადაც 40 მეტრია დაშორება, ანუ ყველანაირ სტანდარტში ჯდება. ასე რომ, ვერავინ ვერ შეაჩერებს ქვეყნისთვის მნიშვნელოვან და სტრატეგიულ პროექტს,“ - განაცხადა კახა კალაძემ.
