,,ქართული ოცნების“ წარმომადგენლები ვერ მალავენ პიროვნულ გაღიზიანებას და უპატივცემულობას პრეზიდენტ მარგველაშვილის მიმართ, - აცხადებს მოძრაობა თავისუფლებისთვის-ევროპული საქართველოს წევრი ირაკლი აბესაძე.
,,ნათელი ხდება, რომ პრეზიდენის უფლებამოსილებების შეკვეცა და პირდაპირი წესით არჩევის გაუქმება არ უკავშირდება სახელმწიფო მოწყობის პრინციპების ცვლილებას, არამედ უკავშირდება პიროვნულ უთანხმოებას ქართული ოცნებასა და პრეზიდენტს შორის. სწორედ ამიტომ არის მნიშვნელოვანი ევროპული საქართველოს ინიციატივა, რომ ამ საკითხებზე ჩატარდეს პლებისციტი, გამოიკითხოს საზოგადოება და ქართულმა ოცნებამ თავად კი არ განსაზღვროს რა სჭირდება საზოგადოება, არამედ საზოგადოების აზრი აისახოს კონსტიტუციაში,’’ - განაცხადა ირაკლი აბესაძემ.
