საქართველოს პრემიერ-მინისტრის შეხვედრები აშშ-ის პრეზიდენტთან და ვიცე-პრეზიდენტთან საქართველოს პრეზიდენტმა შეაფასა. გიორგი მარგველაშვილის განცხადებით, ეს არის ქართული დიპლომატიის გამარჯვება.
“ეს არის მათ შორის ჩვენი დიპკორპუსის წარმატება. აშშ-ის ახლად არჩეული პრეზიდენტი და ვიცე-პრეზიდენტი, რომლებსაც გადატვირთული დღის წესრიგი აქვთ, შეხვდნენ საქართველოს პრემიერ-მინისტრს და ნათლად დააფიქსირეს საქართველოს სუვერენიტეტის და ტერიტორიული მთლიანობის მხარდაჭერა. მიმაჩნია, რომ ეს არის ჩვენი დიპლომატიის, ჩვენი ერთობლივი საქმის გამარჯვება, ეს არის ის, რითაც საქართველო ასე ძლიერად დგას საერთაშორისო არენაზე”, - განაცხადა საქართველოს პრეზიდენტმა.