დისკუსიები უნდა გავშალოთ ყველა სოფელში, ყველა ქალაქში, სანამ არ მივალთ კონსენსუსამდე, - განუცხადა ჟურნალისტებს საქართველოს პრეზიდენტმა ბათუმში, საკონსტიტუციო პროექტის საყოველთაო-სახალხო განხილვის დასრულების შემდეგ. გიორგი მარგველაშვილის თქმით, საკონსტიტუციო ცვლილებების კანონპპროექტი, არის ნულოვანი კონსენსუსის მატარებელი,
"მინდა მადლობა ვუთხრა აქ მოსულ საზოგადოებას, რომელიც ასე აქტიურად არის ჩართული განხილვებში. მართლაც გამოჩნდა რამდენს აღელვებს ის უზენაესი კანონი, რომლითაც გავაგრძელებთ ცხოვრებას. ერთ-ერთი რეპლიკა იყო საინტერესო, რომ აჭარაში 400 000 კაცი ცხოვრობს და 200 კაციან დარბაზში ვერ იქნება ასახული ხალხის ხმაო. ამ ცხარე დისკუსიიდან ვასკვნი, რომ რაც შეიძლება მეტად უნდა გავშალოთ დისკუსიები, ყველა სოფელში, ყველა ქალაქში, ეს დისკუსია უნდა მიმდინარეობდეს და აზრთა ჭიდილი მიგვიყვანს მთავარ ეტაპამდე - კონსენსუსამდე. კონსტიტუცია არის საყოველთაო კონსენსუსის დოკუმენტი. სამწუხაროდ, ის კანონპპროექტი, რომელსაც ვიხილავთ, არის ნულოვანი კონსენსუსის მატარებელი, მაგრამ საზოგადოების ჩართულობით შეგვიძლია მივაღწიოთ უფრო მაღალ კონსენსუსს", - განაცხადა პრეზიდენტმა.
