აჭარასა და იმერეთში ჰესების მშენებლობის სურვილი ოფიციალურად თურქულმა კომპანია "MAR-SU Electrical Generation Trade and Industry Limited Company"-მა დააფიქსირა.
ენერგეტიკის სამინისტროს ინფორმაციით, თურქულმა კომპანიამ დაინტერესება გამოხატა იმერეთში მდინარე წაბლარის წყალზე - ~წაბლარი 2~-ის, ხოლო აჭარაში მდინარე აკავრეთაზე ~მერისის ჰესის~ აშენებაზე.
კომპანიამ განაცხადი ენერგეტიკის სამინისტროში უკვე შეიტანა. სხვა დაინტერესებულ პირთა განაცხადების მიღება კი სამინისტროში 21 ივლისის ჩათვლით იწარმოებს.
თუ რომელი კომპანია ააშენებს იმერეთსა და აჭარაში ჰესებს, ეს 21 ივლისის შემდეგ გაირკვევა, მას შემდეგ, რაც მთავრობა საბოლოო გადაწყვეტილებას მიიღებს.
