„ქარტიამ თითქმის არცერთი ჩვენი წუხილი არ გაიზიარა“,-განაცხადა საქართველოს იუსტიციის უმაღლესი საბჭოს წევრმა, ევა გოცირიძე.
მისი თქმით, არსებობს თვითშეზღუდვის ვალდებულება და სწორედ ამ პრინციპით უნდა იხელმძრვანელონ ჟურნალისტებმა.
„მე ვფიქრობ, რომ ისინი კარგად არ ჩაუკვირდნენ საქმის არსს და ძალიან ხისტი პასუხი გასცეს საქართველოს იუსტიციის უმაღლეს საბჭოს. მათთვის გაუგებარი იყო თითქოს ის, რომ ჟურნალისტებს ეკისრებათ თვითშეზღუდვის ვალდებულება. მე ვფიქრობ, რომ ქარტიამ ტერმინის არასწორი ინტერპრეტაცია მოახდინა“,-განაცხადა ევა გოცირიძემ.
შეგახსენებთ, რომ იუსტიციის უმაღლესი საბჭოს მიერ გავრცელებულ განცხადებას ცენზურის შესახებ საზოგადოებაში მწვავე გამოხმაურება მოყვა, ინიციატივას ჟურნალისტიკური ეთიკის ქარტიაც დაუპირისპირდა.