"უზენაესი სასამართლოს თავმჯდომარემ უნდა გააკეთოს განმარტებები ამ განცხადებასთან დაკავშირებით“,-განაცხადა იუსტიციის მინისტრის ყოფილმა მოადგილემ, დავით ჯანდიერმა.
იგი „არჩევანის“ ეთერში ადვოკატთა ასოციაციის თავმჯდომარის ზაზა ხატიაშვილის, განცხადებებს გამოეხმაურა. ხატიაშვილის თქმით უზენაესი სასამართლოს თავმჯდომარე, ნინო გვენეტაძე მოსამართლეებზე ზეწოლას ახორციელებდა.
„ეს განცხადება ადასტურებს სასამართლო სისტემაში არაჯანსაღ დამოკიდებულებას და კლანური მმართველობის არსებობას. მაღალი საზოგადოებრივი ინტერესიდან გამომდინარე უზენაესი სასამართლოს თავმჯდომარემ უნდა გააკეთოს განმარტებები ამ განცხადებასთან დაკავშირებით, ვინაიდან მოსამართლის დამოუკიდებლობა გულისხმობს არა მხოლოდ მის დამოუკიდებლობას აღმასრულებელი ხელისუფლებისგან ან მხარეებისგან, არამედ სასამართლოში შიდა დამოუკიდებლობას,“-განაცხადა დავით ჯანდიერმა.
