ვინ ეკითხება ევა გოცირიძეს, რა შეკითხვას დავსვამ მე, ან რა შეკითხვას დასვამ შენ გადაცემაში? - ამის შესახებ გადაცემა "არჩევანის" ეთერში ჟურნალისტმა ინგა გრიგოლიამ განაცხადა.
მისი თქმით, იუსტიციის უმაღლესი საბჭოს ინიციატივა ცენზურაა.
„ვინ ეკითხება ევა გოცირიძეს, რა შეკითხვას დავსვამ მე, ან რა შეკითხვას დასვამ შენ გადაცემაში? ეს არის ცენზურა, როგორც ჩანს კანონის ფარგლებში, თუ სასამართლოს ფარგლებში, თუ რაღაცა დიდი გეგმის ნაწილია, ამ ფარგლებში უნდათ, რომ ეს ცენზურა მოაქციონ და დაგვიკანონონ, მაგრამ არ გამოვა", - განაცხადა ინგა გრიგოლიამ.
მისი განცხადებით, ის ახლა მიხვდა, თუ რატომ უთხრა სტრასბურგმა უარი ევა გოცირიძეს. მისივე თქმით, მოსამართლის ადგილი, რომელიც თავისუფალ სიტყვას ღიად უპირისპირდება, სტრასბურგის სასამართლოში არ არის.
ჟურნალისტი იუსტიციის უმაღლესი საბჭოს მოსამართლეებს ურჩევს, თავისუფალ სიტყვას თავი დაანებონ იმ საქმეებს მიხედონ, რომლებიც თაროებზეა შემოდებული და რომელთა სამართლიანობის აღდგენის დაპირებით "ქართული ოცნება" ხელისუფლებაში მოვიდა.
