ედუარდ მანეს ნახატი "ავტოპორტრეტი პალიტრით" "სოთბის" აუქციონზე 22,4 მლნ ფუნტად გაიყიდა.
აღნიშნული თანხა მანამდე გაყიდული მხატვრის ნამუშევრებისთვის რეკორდული აღმოჩნდა. იმის მიუხედავად, რომ "ავტოპორტრეტი პალიტრით" მანეს ნამუშევართა შორის ყველაზე ძვირადღირებულად მიიჩნევა, აუქციონის ორგანიზატორები ნახატის უფრო ძვირად გაყიდვას ფიქრობდნენ. წინასწარი მონაცემებით, ნახატი 20-30 მლნ ფუნტი სტერელინგით იყო შეფასებული.
ლონდონის აუქციონზე სულ წარმოდგენილი იყო 51 ლოტი. აქედან 35 გაიყიდა. აუქციონის საერთო შემოსავალმა 112 მლნ 101 ათასი ფუნტი სტერლინგი შეადგინა.
