„ევროპული საქართველო“ საყოველთაო დაზღვევის პროგრამაში შესულ ცვლილებებს აპროტესტებს. პარტიის წევრმა გიგი წერეთელმა დადგენილების ხარვეზებზე გაამახვილა ყურადღება.
მისი თქმით, ბიუჯეტი არასაკმარისია და თითოეულ მოქალაქეზე განაწილებით, თანხა მიზერული გამოდის.
„პროგრამის მთლიანი მოცულობა, ვფიქრობთ, რომ არ არის ადეკვატური. გამოდის, რომ მთელი პროგრამის მოცულობა 6 თვეზე გაწერილი, დაახლოებით ერთ მოქალაქეზე შეიძლება გამოვიდეს 2 ნახევარი ლარი თვის განმავლობაში. ეს კეთდება ივნისიდან, ძალიან ახლოს არის ადგილობრივ არჩევნებთან. ალბათ მთავარი დატვირთვა არის ის, რომ წინასაარჩევნოდ ამგვარი ნაბიჯი გადადგას ხელისუფლებამ,“ - განაცხადა წერეთელმა.