ხმაურის ფონზე მიმდინარეობდა თამბაქოს კონტროლის შესახებ კანონპროექტის მეორე მოსმენა საქართველოს პარლამენტში.
„ნაციონალური მოძრაობის“ წევრის, რომან გოცირიძის განცხადებით, მთავრობა ცდილობს მხარი დაუჭიროს თამბაქოს ინდუსტრიას და მაქსიმალურად დაამახინჯოს კანონპროექტი.
„ეს კანონი ძირითადად რაც მოქმედებს მსოფლიოს ყველა ცივილიზებულ ქვეყანაში მისაღებია, თუმცა გარკვეული ცვლილებებით. ჩვენთვის აბსოლუტურად მიუღებელია მთავრობის პოზიცია, რომელიც გამოდის სიგარეტის კომპანიების ლობისტად და ფაქტობრივად, უნდა ამ კანონის ძირითადი სულისკვეთება ჩაახშოს. მთავრობა ახდენს ზეწოლას საპარლამენტო უმრავლესობაზე, რათა ეს კანონი დაიჩეხოს, გამოაცალოს ძირითადი შინაარსი და გახდეს ისეთი დოკუმენტი, რომელიც ვერ შეუწყობს ხელს ქვეყანაში თითოეული ჩვენგანის ჯანმრთელობის დაცვას“, - განაცხადა რომან გოცირიძემ ჟურნალისტებთან საუბრისას.