„როდესაც საკონსტიტუციო კომისია მუშაობს აბსოლუტური გახსნილობით და მიმღეობით, მას ქვეყნის პრეზიდენტი არ უნდა უპირისპირდებოდეს და საწინააღმდეგო კამპანიას არ უნდა ატარებდეს“,- განაცხადა პარლამენტის იურიდიულ საკითხთა კომიტეტის თავმჯდომარემ, ეკა ბესელიამ ჟურნალისტებთან საუბრისას.
მისი თქმით, ქვეყანაში მიმდინარეობს უმნიშვნელოვანესი პოლიტიკური და სამართლებრივი რეფორმა. ამ მოვლენისას კი ბუნებრივია, რომ ყველა პოლიტიკურ ჯგუფს უჩნდება სურვილი, რაიმე როლი მოირგოს პროცესის მსვლელობისას.
„ბევრ უცნაურ მანევრებს შეიძლება შევხვდეთ, მაგრამ ამ პროცესს ვუყურებ ჯანსაღად. ყველაზე მნიშვნელოვან რეფორმას ყოვლთვის ახლავს დიდი პოლიტიკური ვნებათა ღელვა. ვფიქრობ, რომ როდესაც საკონსტიტუციო კომისია მუშაობს აბსოლუტური გახსნილობით და მიმღეობით, მას ქვეყნის პრეზიდენტი არ უნდა უპირისპირდებოდეს და საწინააღმდეგო კამპანიას არ უნდა ატარებდეს. ეს ქვეყნისთვის და კონსტიტუციის გადასინჯვის პროცესისთვის სიკეთის მომტანი არ არის“,- განაცხადა ბესელიამ ჟურნალისტებთან.