„თავისუფალი დემოკრატების“ ყოფილი ლიდერი ირაკლი ალასანია ადასტურებს, რომ პირველ მაისს თბილისში დავით უსუფაშვილთან შეხვედრა ჰქონდა.
ალასანიამ ,,საზოგადოებრივს“ განუცხადა, რომ შეხვედრა პარლამენტის ყოფილ თავმჯდომარესთან მართლაც შედგა, თუმცა არა რაიმე კონკრეტულ პოლიტიკურ მიზნებთან დაკავშირებით.
"პოლიტიკურ გეგმას ეს შეხვედრა არ უკავშირდებოდა. შემთხვევითი შეხვედრა იყო მეგობართან“, - აღნიშნა ირაკლი ალასანიამ.
საქართველოს პარლამენტის ყოფილმა თავმჯდომარემ დავით უსუფაშვილმა რამდენიმე დღის წინ პრესკონფერენცია გამართა. უსუფაშვილმა დაინტერესებულ ძალებს ცენტრისტული პარტიის შექმნა შესთავაზა.
