რუსეთის ელჩი აშშ-ში სერგეი კისლიაკი აცხადებს, რომ რუსეთ-ამერიკის ურთიერთობებში "გადატვირთვის" პოლიტიკას თავისი დადებითი შედეგები მოაქვს. ეს განცხადება სერგეი კისლიაკმა "როსიისკაია გაზეტასთან" საუბარში გააკეთა.
დიპლომატმა აღნიშნა ისიც, რომ იგი აშშ-ში საქართველო-რუსეთს შორის მომხდარი ომის შემდეგ ჩავიდა. "იმ დროს ჩვენი ურთიერთობები ყველაზე ცუდი იყო, რაც კი "ცივი ომის" დასრულების შემდეგ ყოფილა. ძალიან რთული პერიოდი იყო", _ განაცხადა სერგეი კისლიაკმა.
თუმცა, მისივე თქმით, ბარაკ ობამას ადმინისტრაცია თეთრ სახლში გარემომცველი სამყაროს თავისი ხედვით მოვიდა, მათ შორის, რუსეთთან ურთიერთობების პერსპექტივების ხედვითაც.
"სიტუაციამ შეცვლა დაიწყო და უფრო ენერგიული სახე მიიღო. ობამას მიერ შეთავაზებული "გადატვირთვა" პატივისცემით მივიღეთ. Dდღეს "გადატვირთვას" თავისი შედეგი მოაქვს, ჩვენ მზად ვართ მოვუსმინოთ ერთმანეთს იმ საკითხებში რაც გვაწუხებს", _ განაცხადა სერგეი კისლიაკმა თუმცა იქვე აღნიშნა, რომ "უთანხმოებები რა თქმა უნდა იყო და არის. თუმცა გვამხნევებს ის, რომ სადავო საკითხებზე ჩვენ გულწრფელად და ცივილურად ვსაუბრობთ, თუმცა ასევე გვინდა, რომ შედეგებიც გვქონდეს", _ განაცხადა კისლიაკმა.
