პრეზიდენტის კამპანია გაგრძელდება, როგორც ჩანს, საქართველოს პარლამენტის წინააღმდეგ, -განაცხადა პარლემენტის თავმჯდომარემ. ირაკლი კობახიძე დღეს მოსამართლეებს შეხვდა და საკონსტიტუციო ცვლილებათა პაკეტი გააცნო. შეხვედრის დასრულების შემდეგ კობახიძემ კომენატარი პრეზიდენტის არჩევის წესზეც გააკეთა.
“ჩვენ გვაქვს დიდი იმედი, რომ კომპრომისს აზრი არ დაეკარგება თუმცა არის კონკრეტული პროცესები რომელიც საპირისპიროზე მიუთითებს. სამწუხაროდ საქართველოს პრეზიდენტმა დაიწყო მთელი კამპანია სახელმწიფო საკონსტიტუციო კომისიის წინააღმდეგ, რომელიც გრძელდება და ეს კამპანია გაგრძელდება როგორც ჩანს საქართველოს პარლამენტის წინააღმდეგ. არასწორი ნაბიჯები იდგმება ჩვენი ოპონენტების მხრიდან, პრეზიდენტის თაოსნობით, ეს არის ძალიან სამწუხარო მოვლენა. პრეზიდენტი რომელიც უნდა იყოს ზეპარტიული ფიგურა ამ სისტემაში, პარტიებთან თანხმდება თავისი ადმინისტრაციის მეშვეობით“ - განაცხადა კობახიძემ.