ვითხოვთ დახმარებას მოსამართლის შეურაცხყოფასან დაკავშირებით, - აცხადებს იუსტიციის უმაღლესი საბჭოს მდივანი ლევან მურუსიძე მოსამართლის შეურაცხყოფისთვის სანქციების დაწესებაზე წარდგენილ ინიციატივასთან დაკავშირებით.
მურუსიძის თქმით, საუბარი არ არის სანქციებზე, რეგულაციების გამკაცრებაზე. საბჭო გეგმავს საჯარო დისკუსიის გახსნას საკითხთან დაკავშირებით, რადგან მისი თქმით, აღარ უნდა გაგრძელდეს სასამართლოს დისკრედიტაცია.
„გვჭირდება დახმარება, ვითხოვეთ ეს დახმარება. საბჭო ითხოვს ერთ რამეს, რომ ასეთი სიტუაციის გაგრძელება არ შეიძლება და აქედან გამომდინარე ვითხოვთ დახმარებას. გვინდა, რომ მრგვალ მაგიდასთან ყველა შევიკრიბოთ და ვიმსჯელოთ. თუ ეს ნაბიჯი, ჩვენი წინადადება იქნება მიღებული და აღქმული და დავილაპარაკებთ თუ არა და გვეცოდინება, რომ უნდა გავაგრძელოთ ისევ ამ ლანძღვის რეჟიმში და მაშინ უნდა მოვიფიქროთ სხვა სიტუაცია, რომ რაღაცნაირად ამ სიტუაციიდან გამოვიდეთ,“ - განაცხადა ლევან მურუსიძემ. მოსამართლეთა საერთაშორისო კონფერენციაზე, სადაც სასამართლო ხელისუფლების წარმომადგენლები უცხოელ სპეციალისტებთან ერთად, სასამართლო სისტემაში არსებულ ვითარებაზე მსჯელობენ.