„კომიტეტის წევრებმა წარმოდგენილი საკანონმდებლო წინადადების უმრავლეს საკითხს მხარი დაუჭირეს, რამდენიმე საკითხზე იყო აზრთა სხვადასხვაობა და მათ შორის ეს საკითხიცაა. იყო საწინააღმდეგო მოსაზრება რის გამოც, კომიტეტი სამუშაო ფორმატში იმუშავებს იმ საკითხებზე რომელზეც იქნება სრული კონსენსუსი“,- განუცხადა „ჯი-ეიჩ-ენს“ საპარლამენტო უმრავლესობის წევრმა, ეკა ბესელიამ.
შეგახსენებთ, რომ „ცესკომ“ პარლამენტს საკანონმდებლო ინიციატივით მიმართა, რომლის მიხედვითაც კომისიის თანამშრომლებს პენსიაზე დანამატი დაუწესდებათ, მოქმედი თანამშრომლის ხელფასის ერთი მესამედის ოდენობით. აღნიშნული კანონპროექტის დამტკიცების შემთხვევაში „ცესკოს“ კომისიის წევრთა საპენსიო დანამატი 383 ლარიდან 1833 ლარამდე იქნება.