ლავროვის აფხაზეთში ვიზიტზე საქართველოს ხელისუფლების რეაქცია არ იყო შესაფერისად მკაცრი და ხმამაღალი, - განაცხადა „ჯი-ეიჩ-ენთან“ საუბარში ექსპერტმა სოსო ცისკარიშვილმა.
მისი შეფასებით, ეს ფაქტი შეიძლებოდა ყოფილიყო გაჟღერებული უფრო მკაფიოდ კატეგორიული გამოთქმებითა და ორგანიზებული პროტესტიტაც.
„ეს ფაქტი შეიძლებოდა ყოფილიყო გაჟღერებული უფრო მკაფიოდ კატეგორიული გამოთქმებითა და ორგანიზებული პროტესტიტაც. საკმარისი არაა რამოდენიმე წინადადებიანი მიუღებლობის წარმოჩენა არც თუ ინფორმატიული განცხადებებით. მნიშვნელოვანია, როგორ აღიქვამს დასავლეთი რუსეთის საელჩოს საქართველოს ტერიტორიაზე, იმედი მაქვს, რომ ჩვენ მალე გავიგებთ განცხადებებს სხვადასხვა ქვეყნიდან“,- განუცხადა სოსო ცისკარიშვილმა „ჯი-ეიჩ-ენს“.
შეგახსენებთ, რომ რუსეთის საგარეო საქმეთა მინისტრი, სერგეი ლავროვი ოკუპირებულ აფხაზეთს ეწვია. მან რუსეთის ახალი საელჩო გახსნა. "საელჩოს ახალი შენობა 2008 წლის 26 აგვისტოს დაწყებული პროცესის გაგრძელებაა, როდესაც ჩვენს ქვეყნებს შორის დიპლომატიური ურთიერთობები დამყარდა. დარწმუნებული ვარ რომ ეს შენობა ჩვენი დიპლომატებისთვის, მათი აფხაზი მეგობრებისა და დიპლომატიური კორპუსის წარმომადგენლებისთვის მეორე სახლი იქნება. ეს პროექტი ასახავს რუსეთის ფედერაციის დამოკიდებულებას მოძმე, მოკავშირე აფხაზი ხალხის მიმართ და ეს ჩვენი პრინციპული პოზიციაა",-განაცხადა სერგეი ლავროვმა.
