პრემიერ-მინისტრი გიორგი კვირიკაშვილი პარლამენტში პრეზიდენტის ყოველწლიურ გამოსვლას გამოეხმაურა და განაცხადა, რომ სასურველი იყო პრეზიდენტის გამოსვლა ყოფილიყო ბევრად უფრო ღრმა და უფრო ობიექტური
„ეს იყო ტრადიციული გამოსვლა, სადაც პრეზიდენტმა მიმდინარე მოვლენებთან დაკავშირებით საკუთარი შეხედულებები წარმოადგინა. შემიძლია გითხრათ, რომ ჩვენს ქვეყანაში მთელ რიგ მიმართულებებზე, როგორიცაა სასამართლო, ეკონომიკური განვითარება, დემოკრატიის და დემოკრატიული ინსტიტუციების განვითარება, არამხოლოდ ჩემი აზრით, არამედ ჩვენი პარტნიორი ქვეყნების აზრით, შესანიშნავი პროგრესია. ვისურვებდი, რომ პრეზიდენტის გამოსვლა ყოფილიყო უფრო მრავლისმომცველი, უფრო ღრმა და უფრო ობიექტური,“ - განაცხადა კვირიკაშვილმა.
