„მოძრაობა თავისუფლებისთვის - ევროპული საქართველოს“ წევრი სერგო რატიანი პრეზიდენტის პარლამენტში გამოსვლას ეხმაურება და აცხადებს, რომ პრეზიდენტის განცხადებებშიც ჩანდა რა არის მთავარი პრობლემები.
„ჩვენ ევროპულ საქართველოს გვექნება გამოსვლები და ძალიან მძიმე პრობლემებს შევაფასებთ, პრეზიდენტის განცხადებებშიც ჩანდა რა არის მთავარი პრობლემები. რამდენადაც მახსოვს წინა წლებში საუბარი იყო დემოკრატიულ პროცესებზე და ნაკლები იყო საუბარი ეკონომიკურ საკითხებზე, დღეს პრეზიდენტმა გვერდი ვერ აუარა ეკონომიკურ პრობლემებს და სრულიად ცხადია რომ ადამიანებს სულ უფრო მეტად უჭირთ და ეს არის ქვეყნის მთავარი გამოწვევა. უმუშევრობა, სიდუხჭირე, ინფლაცია, არამდგრადი ეკონომიკა არის ის რაც აწუხებს ადამიანებს და ამ მიმართულებით უნდა დაიწყოს გამოსწორება და პრეზიდენტმა თქვა, რომ საკონსტიტუციო უმრავლესობა ვერ გამოიყენა მთავრრობამ და ჩაიკეტა საკუთარ თავში“, - განაცხადა სერგო რატიანმა.