უზენაესი სასამართლოს თავმჯდომარემ "რუსთავი 2"-ის საქმეზე პირველი კომენტარი გააკეთა. ნინო გვენეტაძის თქმით, "რუსთავი 2"-ის საქმეზე უზენაესი სასამართლოს დასაბუთებული გადაწყვეტილება და განჩინება მხარეებს დღეს ჩაბარდებათ.
„ყველა კითხვაზე პასუხი, რომელიც თქვენ გაწუხებთ ან საზოგადოებას აინტერესებს, არის გადაწყვეტილებებში და იმ განჩინებებში, რომელიც დღეს იქნება მხარეებისთვის ჩაბარებული. სასამართლო ხელისუფლება იცავს იმ მაღალ სტანდარტს, რომელიც არა მხოლოდ ეთიკური პრინციპია, არამედ საკანონმდებლო მოთხოვნაა, რომ დასაბუთებული გადაწყვეტილების გამოქვეყნებამდე არ ყოფილიყო კომენტარი გაკეთებული,“ - განაცხადა ნინო გვენეტაძემ.
პარლამენტის იურიდიულ კომიტეტში უზენაესი სასამართლოს თავმჯდომარე, მოსამართლეები, არასამთავრობოები და დეპუტატები სასამართლოს სტრატეგიაზე მსჯელობენ.