პესკოვი ნავალნის პოპულიზმში ადანაშაულებს. ვრცელი ინტერვიუ პუტინის პრეს-მდივანმა ტელეკომპანია ABC-ს მისცა. კრემლის პრეს-მდივანმა ნავალნის ანტიკორუფციული ფონდის მიერ გამოქვეყნებულ ინფორმაციას მედვედევის კუთვნილებაში არსებულ უძრავ ქონებაზე სიცრუე უწოდა და ოპოზიციის ლიდერს მოსახლეობის შეცდომაში შეყვანა დასდო ბრალად. ნავალნის ფონდმა მედვედევი კორუფციაში მარტის დასაწყისში ამხილა და მოსახლეობას კორუფციის წინააღმდეგ ბრძოლისკენ მოუწოდა. მასშტაბური საპროტესტო აქციები ქვეყნის დიდ ქალაქებში მასობრივი დაკავებებით დასრულდა.
