ამერიკელი მილიარდერი დევიდ როკფელერი 101 წლის ასაკში გარდაიცვალა. ოფიციალური ინფორმაციით, როკფელერი 20 მარტს ნიუ იორკში, საკუთარ სახლში გულის უკმარისობით დაიღუპა. დევიდ როკფელერის ბაბუა ჯონ როკფელერი ნავთობკომპანია სტანდარტ ოილის დამფუძნებელი და მსოფლიოში პირველი მილიარდერი იყო.
ახალგაზრდობაში როკფელერი მხოლოდ ორ რამეზე ოცნებობდა: ეშოვა 100 ათასი დოლარი და ეცოცხლა 100 წელი.
"ფორბსის" ბოლო მონაცემებით, დევიდ როკფელერის ქონება 3 მილიარდ დოლარს შეადგენს.
დევიდ როკფელერის რჩევები:
1. ცხოვრებაშიც და ბიზნესშიც მოგება მნიშვნელოვანია.
2. განქორწინება და პოლიტიკა ძვირად ღირებული სიამოვნებაა.
3. სამსახურში შეიძინეთ მეგობრები და გამოიმუშავეთ ფული.
4. ერთი ბოსი ყოველთვის უმჯობესია, ვიდრე - ორი.
5. იპოვეთ თქვენი ჰობი.
6. იპოვეთ კარგი მასწავლებელი.
7. ხელისუფლება ხალხის მსახურია და არა მათი მფლობელი.
8. ხალხთან მოპყრობის ცოდნა - პროდუქტია, რომლის ყიდვაც ისევე შესაძლებელია, როგორც შაქრის ან ყავის. ასეთი ცოდნისთვის იმაზე მეტს გადავიხდი, ვიდრე სხვა რაიმე პროდუქტისთვის.
9. არასდროს ვარ გაბრაზებული, მხოლოდ აღელვებული.
10. მამა და პაპა არასდროს გვაძლევდნენ იმის ფიქრის საშუალებას, რომ უზომოდ ბევრი ფული გვაქვს. ყოველთვის გვეუბნებოდნენ, რომ ფული ღმერთს ეკუთვნის და ჩვენ მხოლოდ განვკარგავთ მათ.
11. ბიზნესში წარმატებისთვის განათლება, დისციპლინა და თავდაუზოგავი შრომაა საჭირო. თუ ეს ყველაფერი არ გაშინებთ, დღეს უფრო მეტი შესაძლებლობაა, ვიდრე ოდესმე ყოფილა.
12. ხუმრობა და ფულის სესხება მოულოდნელად უნდა შეგეძლოთ.
13. შექმენით ისეთი რამ, რაც დიდხანს იარსებებს.
14. ხშირად მეკითხებიან, როგორც ვიცოცხლოთ დიდხანსო? ყოველთვის ერთსა და იმავეს ვპასუხობ - იცხოვრეთ უბრალო ცხოვრებით, ითამაშეთ თქვენს შვილებთან ერთად და დატკბით ყველაფრით, რასაც აკეთებთ.
15. დარწმუნებული ვარ, რომ მატერიალურ ნივთებს შეუძლიათ შეგიქმნან სასიამოვნო ცხოვრება. მაგრამ თუ ძალიან კარგი მეგობრები და ნათესავები არ გყავთ, ცხოვრება ფუჭი და მოსაწყენი იქნება.
