ბათუმის მოვლენების შემდეგ ენმ გადაიქცა ქვებით შეიარაღებულ რადიკალურ ჯგუფად, - განაცხადა საპარლამენტო უმრავლესობის ლიდერმა არჩილ თალაკვაძემ.
,,ვფიქრობ, გუშინ დასრულდა დრო, როდესაც „ნაციონალური მოძრაობა“ თავს ასაღებდა ჩვენს ოპონენტ და კონკურენტ პარტიად. ბათუმის მოვლენების შემდეგ ისინი გადაიქცნენ ქვებით შეიარაღებულ რადიკალურ ჯგუფად. გახსოვთ მათ სოლიდარობაც კი გამოუცხადეს ამ აქციას და დაანონსეს ამ აქციის მხარდამჭერი შეხვედრები მთელ საქართველოში. დანარჩენ საკითხებს უკვე გამოძიება გასცემს პასუხებს“, - განაცხადა თალაკვაძემ.
მისივე ინფორმაციით, კადრებში ფიგურირებენ „ნაციონალური მოძრაობის“ და „თავისუფალი ზონის“ წევრები. დეპუტატმა აქვე აღნიშნა, რომ ენმ-ის გაყოფა სწორედ იმის გამო მოხდა, რომ ერთი გჯუფი კოლეგებს ძალადობრივ სცენარებს სთავაზობდა.
,,ეს ჯგუფი თავის კოლეგებს სთავაზობდა ქვეყანაში ვითარების ძალადობრივი რევოლუციური სცენარებით შეცვლას და ეს ღიად ითქვა მათ მიერ. ამ ყველაფერს თუ ერთმანეთს დავაკავშირებთ, ძნელი არ არის დასკვნების გაკეთება“, - განაცხადა თალაკვაძემ.
