ქრიტსიან-დემოკრატიული მოძრაობის ერთ-ერთმა ლიდერმა, ნიკა ლალიაშვილმა დღევანდელ პარლამენტის სხდომაზე ლარსის გამშვები პუნქტის საკითხი დააყენა.
ნიკა ლალიაშვილი მიიჩნევს, რომ იმ ფონზე, როდესაც გამწვავებულია ვითარება ჩრდილოეთ კავკასიაში ლარსის გამშვები პუნქტის გახსნა მოცემულ ვითარებაში მიზანშეწონილი არ არის.
ლალიაშვილის განცხადებით, ხელისუფლება სერიოზულად უნდა მოეკიდოს აღნიშნულ საკითხს, მოიწვიოს უშიშროების საბჭო და აღნიშნული საკითხი სამუშაო ვითარებაში უნდა გადაწყვიტოს.
"მიმდინარეობს მსჯელობა ლარსის გამშვები პუნქტის გახსნასთან დაკავშირებით. რჩება შთაბეჭდილება, რომ ამის შესახებ ჩამოყალიბებული გადაწყვეტილება არსებობს. ლარსის გამშვები პუნქტის გახსნით ყაზბეგს დიდი შანსი მიეცება ინფრასტრუქტურის რეაბილიტაციისა და ადგილობრივი მოსახლეობაც ისარგებლებს ამით, მაგრამ ეს საკითხი საფრთხისშემცველია. ჩრდილო-კავკასიაში მწვავე პროცესები მიმდინარეობს და საქართველოს ტერიტორიაზე თავშერსაფრის მიზნით შესაძლოა ჩრდილოეთ-კავკასიიდან შეიარაღებული ჯგუფების შემოღწევა მოხდეს. საკითხის ასე ერთბაშად და ხელაღებით გადაწყვეტა არ შეიძლება. ხელისუფლებამ უნდა აიღოს პასუხისმგებლობა არა სატელევიზიო შოუს რეჟიმში, არამედ სამუშაო რეჟიმში, შეკრიბოს უშიშროების საბჭო და გადაწყვიტოს აღნიშნული საკითხი", _ განაცხადა ნიკა ლალიაშვილმა