მასობრივი არეულობები როტერდამში. პოლიციამ რეჯეფ თაიფ ერდოღანის მხარდამჭერებს თურქეთის საკონსულოსთან მიტინგის ჩატარების უფლება არ მისცა. მანიფესტანტებმა სამართალდამცავებს ქვები და ბოთლები დაუშინეს. პოლიციამ კი მათ დასაშლელად წყლის ჭავლი გამოიყენა. არეულობები მას შემდეგ დაიწყო, რაც ჰოლანდიის ხელისუფლებამ თურქეთის საგარეო საქმეთა მინისტრს, მევლუთ ჩავუშოღლუს და სოციალური პოლიტიკის მინისტრს, ფატიმა ბეთიულ საიამ კაია როტერდამში სააგიტაციო მიტინგების ჩატარება აუკრძალა. მანამდე ანალოგიური გადაწყვეტილება გერმანიამ და შვეიცარიამ მიიღო. საიამ კაია როტერდამში თურქეთის საკონსულოსთან მისვლას მაინც შეეცადა, თუმცა ის ესკორტით გერმანიის საზღვრამდე მიაცილეს და ქვეყნის ტერიტორია დაატოვებინეს.
