ბოლო ერთი კვირის განმავლობაში რუსულმა ავიაციამ სირიაში ისლამისტთა პოზიციები 254-ჯერ დაბომბა. ამის შესახებ თავდაცვის სამინისტროს წარმომადგენელმა სერგეი რუდსკოიმ განაცხადა. მისივე თქმით, საჰაერო დარტყმებს 600-მდე ისლამისტი ემსხვერპლა. განადგურებულია ისლამური სახელმწიფოს კუთვნილი 16 ერთეული სამხედრო მანქანა და მსხვილკალიბრიანი ტყვიამფრქვევით აღჭურვილი 41 პიკაპი. რუსული ავიაციის დახმარებით გათავისუფლდა 92 დასახლებული რაიონი.
