ევროკავშირის პროექტმა სახელწოდებით "აღმოსავლეთ პარტნიორობა" შესაძლოა გავლენა საქართველო რუსეთის მიერ ოკუპირებულ ორ რეგიონზე _ აფხაზეთსა და ე.წ. სამხრეთ ოსეთზე იქონიოს.
განცხადება ამის შესახებ ევროკავშირის თავმჯდომარე ქვეყნის, შვედეთის საგარეო საქმეთა მინისტრმა კარლ ბილდტმა ვაშინგტონში, რუსეთისა და ევროკავშირის ურთიერთობებისადმი მიძღვნილ კონფერენციაზე გააკეთა.
"ვაწარმოებთ დიალოგს საქართველოსთან და რუსეთთან. ჯერჯერობით, ჟენევის მოლაპარაკებების ფორმატში, მნიშვნელოვანი ნაბიჯების გადადგმა ვერ მოხერხდა, თუმცა ამაზე გამუდმებით ვმუშაობთ", _ განაცხადა ბილდტმა.
აღსანიშნავია, რომ პროექტი "აღმოსავლეთ პარტნიორობა" პოლონეთის, ჩეხეთისა და შვედეთის ინიციატივით საქართველოსთან, აზერბაიჯანთან, სომხეთთან, ბელორუსთან, მოლდოვასთან და უკრაინასთან თანამშრომლობის გასაღრმავებლად მაისში შეიქმნა. მისი მონაწილეები პროექტში რუსეთის ჩართვასაც იმედოვნებენ.
