შოტლანდიაში დამოუკიდებლობის საკითხზე კიდევ ერთი რეფერენდუმი 2018 წლის შემოდგომაზე გაიმართება. ამის შესახებ შოტლანდიის პირველმა მინისტრმა ნიკოლა სტერჯენმა განაცხადა. მისივე თქმით, რეფერენდუმი შესაძლოა მანამდე ჩატარდეს, ვიდრე დიდი ბრიტანეთი ევროკავშირს საბოლოოდ დატოვებს. შოტლანდიის საკითხზე რამდენიმე დღის წინ დიდი ბრიტანეთის პრემიერ-მინისტრმაც ისაუბრა. ტერეზა მეის განცხადებით, სამეფოს სამეფოს შემადგენლობაში შოტლანდიის შენარჩუნება მისთვის პრიორიტეტული საკითხია.
