,,ევროპული საქართველოს“ წარმომადგენელი ირაკლი აბესაძე მიიჩნევს, რომ გამოქვეყნებული მტკიცებულებები ეწინააღმდეგება ვერსიას, რომელსაც მთავარი პროკურორი და ქვეყნის ხელმძღვანელობა სთავაზობდა საზოგადოებას. მისი თქმით, ე.წ. ციანიდის საქმესთან დაკავშირებით აუცილებელია მთავარი პროკურორის პასუხისმგებლობის საკითხი დადგეს.
,,პროკურატურის მიერ გამოქვეყნებული მტკიცებულებები აშკარად არ ადასტურებს და უფრო მეტიც, ეწინააღმდეგება იმ ვერსიას, რომელსაც ჯერ მთავარი პროკურორი და შემდეგ ქვეყნის პოლიტიკური ხელმძღვანელობა სთავაზობდა საზოგადოებას. როგორც ჩანს, მიზანმიმართულად სურდათ თავს მოეხვიათ საზოგადოებისთვის გარკვეული მოსაზრება. ამიტომ ძალიან მნიშვნელოვანია შესწავლილი იყოს მთავარი პროკურორის მონაწილეობის როლი ამ საქმეში. ხომ არ ჰქონდა ადგილი მტკიცებულებების ფალსიფიკაციას, ხომ არ ჰქონდა მანიპულაციას სისხლის სამართლებრივი საქმის დეტალებით. უნდა დადგეს მთავარი პროკურორის თანამდებობრივი პასუხისმგებლობის და შემდგომ სისხლის სამართლებრივი პასუხისმგებლობის საკთხიც, თუკი ამას დაადასტურებს საპროკურორო საბჭო. ჩვენი წარმომადენელი საპროკურორო საბჭოში აუცილებლად მოითხოვს აღნიშნულ საკითხს და იძულებული იქნებიან დანიშნონ სპეციალური პროკურორი, რომელსაც მოუწევს შოთაძის საქმიანობის შესწავლა“, - განაცხადა ირაკლი აბესაძემ.
მთავარმა პროკურატურამ დეკანოზის საქმეზე გამოძიების შუალედური შედეგები და მტკიცებულებათა ნაწილი გაასაჯაროვა.