შეერთებულ შტატებში არალეგალ მექსიკელთა რაოდენობა 40 პროცენტით შემცირდა. ამის შესახებ შიდა უსაფრთხოების სამსახურის უფროსმა ჯონ კელიმ განაცხადა. მისივე თქმით, ამერიკა-მექსიკის საზღვარზე დაკავებულ არალეგალთა რაოდენობამ თებერვლის თვეში ბოლო 5 წლის მინიმუმი შეადგინა. იანვარში ამერიკელმა მესაზღვრეებმა საზღვრის გადაკვეთის მცდელობისას 31 578 ადამიანი დააკავეს, თებერვლის თვეში კი დაკავებულთა რაოდენობა თითქმის განახევრდა.
