ბოლივიის პრეზიდენტი კუბიდან დაბრუნდა. ევო მორალესმა ჰავანაში სამედიცინო გამოკვლევები ჩაიტარა. კუბაში გამგზავრების გადაწყვეტილება ბოლივიის ლიდერმა ყელის ძლიერი ტკივილის გამო მიიღო, რის შედეგადაც ხმა დაკარგა. ამის გამო მან რამდენიმე მნიშვნელოვანი შეხვედრა და საჯარო გამოსვლები გადადო. როგორც მორალესის პრეს-სამსახური იტყობინება, პრეზიდენტს ანგინის მძიმე ფორმა ჰქონდა და მკურნალობის შემდეგ თავს უკეთ გრძნობს.
