ფილიპინების პრეზიდენტი როდრიგო დუტერტე ე.წ. „სიკვდილის ესკადრონების“ შექმნაში დაადანაშაულეს. ბრალდება მას ქალაქ დავაოს პოლიციის ყოფილმა თანამშრომელმა არტურო ლასკანასმა წაუყენა. ყოფილი პოლიციელის მტკიცებით, დავაოს მერად მუშაობის პერიოდში დუტერტეს 200-მდე ადამიანის მკვლელობაში მიუძღვის ბრალი. ის, რომ რამდენიმე კრიმინალი საკუთარი ხელით ჰყავს მოკლული, ფილიპინების ლიდერმა ადრეც არაერთგზის განაცხადა.
