ინდოეთის ერთ-ერთ შტატში ბებიების სკოლა გაიხსნა, სადაც 60 წელს გადაცილებულ ქალებს წერა-კითხვა ასწავლიან. მოსწავლე ბებიებს სასკოლო უნიფორმაც აქვთ. მათ გაკვეთილები კვირაში 6 დღე 2 საათის განმავლობაში უტარდებათ. ერთადერთი აუცილებელი მოთხოვნა ასაკობრივი ლიმიტია. მოსწავლის ასაკი 60 წელს უნდა აღემატებოდეს. 2011 წლის მონაცემებით, ინდოეთში წერა-კითხვის მცოდნეთა რაოდენობა 74 პროცენტამდე იყო გაზრდილი. მათ შორის ქალები უმცირესობას წარმოადგენდნენ.
