რუსთავი2-ის იურისტი, თამთა მურადაშვილი, სტრასბურგის სასამრთლოს მიერ მიღებულ გადაწყვეტილებას საქართველოს უზენაესი მოსამართლეებისთვის „სილის გაწვნად“ აფასებს.
მან აღნიშნა, რომ სტრასბურგის სასამართლოს ეს გადაწყვეტილება არის მოწოდება, რომ ხელისუფლებამ თავი შეიკაოს სამაუწყებლო კომპანიის საქმიანობაში ნებისმიერ სახის ჩარევისგან.
„ეს არის სილის გაწვნა იმ მოსამართლეების, იმ 9 მოსამართლისთვის, რომლებიც ერთ დღეში შეიკრიბნენ და ერთი ხელის მოსმით სურდათ, რომ წერტილი დაესვა ქვეყნისთვის, მართლმსაჯულებისთვის და სიტყვის თავისუფლებისთვის,“ - განაცხადა თამთა მურადაშვილმა.
ევროსასამართლომ რუსთავი2-ის საქმეს პრიორიტეტი მიანიჭა და მოუწოდა მთავრობას, ტელეკომპანიის სარედაქციო პოლიტიკაში არ ჩაერიოს.
