"რუსთავი2-ში მე ცენზორად არ შევალ," - ეს განცხადება რუსთავი 2-ის ყოფილმა მფლობელმა, დავით დვალმა, უზენაესი სასამართლოს მიერ მიღებულ გადაწყვეტილებაზე მას შემდეგ გააკეთა, რაც საზოგადოებისთვის სტრასბურგის სასამართლოს გადაწყვეტილება უკვე ცნობილი იყო.
"მე არა ვარ სამართალმცოდნე, მაგრამ ყველა მიმტკიცებდა, რომ ასეთი რამე არ არსებობს და აღმოჩნდა, რომ არსებობს. თავისთავად ძალიან საინტერესო პრეცედენტია და დაველოდები შედეგებს. სიმართლე რომ გითხრათ, მივესალმები. რაც მეტი და უფრო გარკვეული იქნება ამბები იმ სასამართლო პროცესთან, რომელიც ბევრ კითხვას უჩენს საზოგადოებას და ბევრი პრეტენზია არის, მით უფრო უკეთესი იქნება საქმისთვისაც," - აცხადებს დავით დვალი.
დავით დვალის განცხადებით, ის გადაწყვეტილების გამოცხადების შემდეგ ქიბარ ხალვაშს არ შეხვედრია და ელოდება მისგან განმარტებების მოსმენას.
"ჩემი პოზიცია მე ხმამაღლა დავაფიქსირე და კიდვ გავიმეორებ, მე მინდა, ყველამ იცოდეს, რომ რუსთავი 2-ში მე ცენზორად არ შევალ, რაც არ უნდა იყოს," - განაცხადა დავით დვალმა.
