"დიდი მადლობა ჩვენს ევროპელ მეგობრებს ამისთვის," - ამ განცხადებას პრეზიდენტის პრეს-სპიკერი, ეკა მიშველაძე, ევროსასამართლოს გადაწყვეტილებასთან დაკავშირებით აკეთებს, რომლის თანახმად, რუსთავი2-ის საქმეზე უზენაესი სასამართლოს მიერ მიღებული გადაწყვეტილება შეჩერდა.
"ვფიქრობ, სტრასბურგის სასამართლოს გადაწყვეტილება ძალიან დროული იყო, ასე ვთქვათ, მაშველი რგოლი იმიტომ, რომ რუსთავი2-თან მიმართებაში მომავალი საკმაოდ ბუნდოვანი იყო და ჩვენს ევროპელ მეგობრებს ამისთვის ძალიან დიდი მადლობა. აი, ასეთია ევროპა, ასეთი სამართლიანია და საქართველო აქეთკენ მიისწრაფვის. შესაბამისად, ჩვენ ყველანი უნდა ვეცადოთ იმას, რომ გვქონდეს ასეთი მაღალი დემოკრატიის ქვეყანა," - ამბობს ეკა მიშველაძე.
