"ძალიან მნიშვნელოვანი და სენსიტიური თემაა," - ეს განცხადება ე.წ. ციანიდის საქმესთან დაკავშირებით გააკეთა კახა კალაძემ. ვიცე პრემიერის განმარტებით, გამოძიება მიმდინარეობს ისე, როგორც უნდა მიმდინარეობდეს.
“გამოძიება მიმდინარეობს. ჩვეულებრივად პროცესი მიდის ისე, როგორც უნდა მიდიოდეს. ძალიან მნიშვნელოვანი და სენსიტიური თემაა. ძალიან აინტერესებს ჩვენი ქვეყნის მოსახლეობას, თუ რა მოხდა და რა ხდება რეალურად და დარწმუნებული ვარ, გამოძიების შედეგები უახლოეს მომავალში დაიდება და ყველაფერი გახდება საჯარო და ცნობილი,“ - განაცხადა კახა კალაძემ.
