"ისლამური სახელმწიფოს" ლიდერი ერაყსა და სირიაში პოზიციების დათმობას აღიარებს. ამის შესახებ ტელეკომპანია "ალსუმარია" იტყობინება. გავრცელებული ინფორმაციით, აბუ ბაქრ ალ-ბაღდადიმ თანამებრძოლების ბაზების მთიან რეგიონებში გადატანისა და ბრძოლის გაგრძელებისკენ მოუწოდა. ეს მას შემდეგ მოხდა, რაც ნაინავას პროვინციაში ისლამისტებმა მნიშვნელოვანი დანაკარგები განიცადეს. ვრცელდება ინფორმაცია იმის შესახებაც, რომ ისლამისტთა რამდენიმე მეთაურმა დასავლეთ მოსული უკვე დატოვა.
