პატრიარქის პირადი დაცვის ყოფილი უფროსი, სოსო ოხანაშვილი ამბობს, რომ უფლებადამცველ ნანა კაკაბაძეს იცნობს და წლების განმავლობაში ის საპატრიარქოში პატრიარქის მდივან-რეფერენტის, შორენა თეთრუაშვილის, ხშირი სტუმარია.
ამის შესახებ მან გადაცემა არჩევანის პირდაპირ ეთერში ისაუბრა.
„ის ახალი მოსული არ არის საპატრიარქოში, წლების განმავლობაში ის ხშირი სტუმარია საპატრიარქოსი. ძალიან ხშირად მოდის, არა აქვს მნიშვნელობა, დილა, შუადღე, საღამო, ხშირად არის საპატრიარქოში,“ - აცხადებს სოსო ოხანაშვილი.
