ჭყონდიდის მიტროპოლიტი მეუფე პეტრე ცაავა ლოგიკურად მიიჩნევს, რომ პროკურატურას მის მიმართ შეკითხვები გაუჩნდა.
„ჩემს მიერ გაკეთებული მინიშნებებიდან გამომდინარე, ლოგიკურია, რომ მათ გაუჩნდათ შეკითხვები და მთხოვეს შეხვედრა. არა მგონია, ეს დაკითხვა იყოს, ჩემი აზრით, გასაუბრების ფორმატია. მე ჩავთვალე ღვთისა და სინდისის წინაშე, რომელიც ასევე, პატარა ღმერთია, ხმა ამემაღლებინა უსამართლობის წინააღმდეგ და მზად ვარ, ნებისმიერ წინააღმდეგობას შევხვდე ჩემი პიზიციიდან გამომდინარე,“, - განაცხადა მეუფე პეტრემ „იმედთან“ საუბარში.
მეუფე პეტრე მთავარ პროკურატურაში ე.წ. ციანიდის საქმეზე დღეს, 15:00 საათზეა დაბარებული.
