ფქვილის ომი საბერძნეთში. მხიარული ფესტივალი ტრადიციულად, ქალაქ გალაქსიდიში გაიმართა, რომელიც ათენიდან 200 კილომეტრში მდებარეობს. ასპარეზობა ქალაქში ყოველი წლის თებერვლის ბოლოს, დიდი მარხვის დაწყებამდე იმართება. გალაქსიდის ქუჩებში ასობით ტომარა შეფერილი ფქვილი გამოაქვთ და ერთმანეთს აყრიან. ტრადიცია სათავეს 1801 წლიდან იღებს, როდესაც ადგილობრივმა მცხოვრებლებმა ოსმალეთის იმპერიის მიერ ოკუპირებულ ქალაქში აკრძალული კარნავალი გამართეს.
